This Beautiful Naat “Ghamzadon ke liye Rehmat e Mustafa” is written by MOHAMMAD ALI ZAHOORI.
Ghamzadon ke liye Rehmat e Mustafa Naat Lyrics in English
Ghamzadon ke liye Rehmat-e-Mustafa
Woh samandar hai jiska kinara nahin
Hashr ke din bhi woh sab ke kaam aayenge
Kaun hai jis ne unko pukara nahi
🌟🌟🌟
Shahid is pe hua hai kalaam-e-Khuda
Mustafa ki riza hai Khuda ki riza
Apne Mehboob se Haq ne farmadiya
Jo tumhara nahi woh hamara nahi
🌟🌟🌟
Muntazir chashm-e-Rehmat ke shah-o-gada
Hai baha unka faizan-e-jood-o-sakha
Dar pe aaye sawali na jholi bharein
Mere Sarkar ko yeh gawara nahi
🌟🌟🌟
Bebas o be-amaan, bekas o naatwaan
Khasta tan, be-watan, tishna lab, neem jaan
Daman-e-Mustafa sab ki jaye panah
Is se barh kar to koi sahaara nahin
🌟🌟🌟
Kya ghari hogi Mahshar mein sab Ambiya
Ummaton ko na denge koi asra
Hogi sab ki zabaan pe yehi ek sada
Mustafa ke siwa koi chara nahi
🌟🌟🌟
Ho ke warifta jo bhi Madine gya
Sabz gumbad ko bas dekhta reh gaya
Sari duniya mein aisa haseen Dilruba
Dosra aur koi nazara nahi
🌟🌟🌟
Naat Sarkar ki dil se nikle sada
Sunnay waale bhi hon jaan-o-dil se fida
Sara manzar Zahoori ho mehka hua
Is se barh kar samaan koi pyaara nahi
🌟🌟🌟
