This Beautiful Naat “Soz E Dil Chahiye Chashm E Nam Chahiye” is written by Iqbal Azeem. In this post you will get Soz E Dil Chahiye Lyrics, Soz E Dil Chahiye Chashm E Nam Chahiye Lyrics in Urdu.
Soz E Dil Chahiye Lyrics English
Soz E Dil Chahiye Chashm E Nam Chahiye,
Aur Shoq E Talab Moatbar Chahiye
Ho Muyassar Madine Ki Galiyan Agar,
Aankh Kafi Nahi Hai Nazar Chahiye
🌟🌟🌟
Un Ki Mehfil Ke Adaab Kuch Aur Hain,
Lab Kushai Ki Jurrat Munasib Nahi
Un Ki Sarkar Mein Iltaja Ke Liye,
Janbish E Lab Nahi Chashm E Tar Chahiye
🌟🌟🌟
Apni Roodad E Gham Main Sunaon Kise,
Mere Dukh Ko Koi Aur Samjhe Ga Kya
Jis Ki Khaak E Qadam Bhi Hai Khaak E Shifa,
Mere Zakhmon Ko Wo Chara Gar Chahiye
🌟🌟🌟
Mai Gadaye Dar E Shah E Konain Hoon,
Sheesh Mehlon Ki Mujh Ko Tamanna Nahi
Ho Muyassar Zameen Par Keh Zer E Zameen,
Mujh Ko Taiba Mein Ek Apna Ghar Chahiye
🌟🌟🌟
In Naye Raston Ki Nayi Roshni,
Hum Ko Raas Ayi Hai Aur Na Raas Aye Gi
Hum Ko Khoi Hui Roshni Chahiye,
Hum Ko Aaen E Khirul Bashar Chahiye
🌟🌟🌟
Midhat E Shah Kon O Makaan Ke Liye,
Sirf Lafz O Bayaan Ka Sahara Na Lo
Fun E Shayari Hai Iqbal Apni Jagah,
Naat Kehne Ko Khoon E Jigar Chahiye
🌟🌟🌟
Soz E Dil Chahiye Chashm E Nam Chahiye,
Aur Shoq E Talab Moatbar Chahiye
Ho Muyassar Madine Ki Galiyan Agar,
Aankh Kafi Nahi Hai Nazar Chahiye
🌟🌟🌟
