The Beautiful Salam “Mustafa Jane Rehmat Pe Lakhon Salam” is written by “Imam Ahmad Raza Khan”. In this post, you will get mustafa jane rehmat pe lakhon salam lyrics urdu, mustafa jane rehmat pe lakhon Salam complete lyrics and mustafa jane rehmat pe lakhon salam lyrics in english.
Mustafa Jane Rehmat pe Lakhon Salam Lyrics Urdu
مصطفیٰ جانِ رحمت پہ لاکھوں سلام
شمعِ بزمِ ہدایت پہ لاکھوں سلام
🌟🌟🌟
شہریارِ اِرَم تاجْدارِ حرم
نَوبہارِ شفاعت پہ لاکھوں سلام
🌟🌟🌟
شبِ اَسریٰ کے دولہا پہ دائم درود
نَوشۂ بزمِ جنت پہ لاکھوں سلام
🌟🌟🌟
عرش تا فرش ہے جس کے زیرِ نگیں
اس کی قاہِر ریاست پہ لاکھوں سلام
🌟🌟🌟
ہم غریبوں کے آقا پہ بے حد درود
ہم فقیروں کی ثَروَت پہ لاکھوں سلام
🌟🌟🌟
جس کے آگے سرِ سَروَراں خَم رہیں
اس سرِ تاجِ رِفعت پہ لاکھوں سلام
🌟🌟🌟
دور و نزدیک کے سننے والے وہ کان
کانِ لَعلِ کَرامت پہ لاکھوں سلام
🌟🌟🌟
جس کے ماتھے شفاعت کا سہرا رہا
اس جَبِینِ سَعادت پہ لاکھوں سلام
🌟🌟🌟
جن کے سجدے کو محرابِ کعبہ جھکی
ان بھَووں کی لَطافَت پہ لاکھوں سلام
🌟🌟🌟
جس طرف اٹھ گئی دم میں دم آ گیا
اس نگاہِ عِنایَت پہ لاکھوں سلام
🌟🌟🌟
جس سے کھاری کنویں شِیرۂ جاں بنے
اس زُلال حَلاوَت پہ لاکھوں سلام
🌟🌟🌟
وہ زباں جس کو سب کن کی کنجی کہیں
اس کی نافذ حکومت پہ لاکھوں سلام
🌟🌟🌟
جس کی تسکیں سے روتے ہوئے ہنس پڑیں
اس تبسم کی عادت پہ لاکھوں سلام
🌟🌟🌟
ہاتھ جس سمت اٹھا غنی کر دیا
موجِ بحرِ سَماحَت پہ لاکھوں سلام
🌟🌟🌟
جس کو بارِ دوعالَم کی پروا نہیں
ایسے بازو کی قوت پہ لاکھوں سلام
🌟🌟🌟
نور کے چشمے لہرائیں دریا بہیں
انگلیوں کی کرامت پہ لاکھوں سلام
🌟🌟🌟
ایک میرا ہی رحمت میں دعویٰ نہیں
شاہ کی ساری امت پہ لاکھوں سلام
🌟🌟🌟
کاش محشر میں جب ان کی آمد ہو اور
بھیجیں سب اُن کی شوکت پہ لاکھوں سلام
🌟🌟🌟
مجھ سے خدمت کے قُدسی کہیں ہاں رضاؔ
مصطفیٰ جانِ رحمت پہ لاکھوں سلام
🌟🌟🌟
