This Beautiful Naat “Meri Zindagi Ka Tujh sy” is written by Peer Syed Naseer Uddin Naseer (R.A). In this post you will get Meri Zindagi Ka Tujh sy Yh Nizam Lyrics English.
Meri Zindagi Ka Tujh sy in English
Meri zindagi ka tujh se yeh nizaam chal raha hai
Tera aastaan salaamat, mera kaam chal raha hai
🌟🌟🌟
Nahi Arsh o Farsh par hi teri azmaton ke charchay
Teh-e-khaak bhi lahad mein tera naam chal raha hai
🌟🌟🌟
Woh teri ‘ata ke tewar, woh hujoom gird-e-Kausar
Kahin shor-e-maikashaan hai, kahin jaam chal raha hai
🌟🌟🌟
Kisi waqt Ya Muhammad ﷺ ki sada ko main na bhoola
Dam-e-naza’ bhi Zaban par yeh kalaam chal raha hai
🌟🌟🌟
Mere Hath aa gayi hai yeh kaleed-e-qufl-e-maqsad
Tera Naam le raha hon, mera kaam chal raha hai
🌟🌟🌟
Koi yaad aa raha hai mere dil ko aaj shayad
Jo yeh sail-e-ashk-e-hasrat sar-e-shaam chal raha hai
🌟🌟🌟
Woh barabari ka tu ne diya dars aadmi ko
Ke ghulaam Naqa par hai, tu imaam chal raha hai
🌟🌟🌟
Yeh asar hai teri sunnat ke mazaaq-e-saadaagi ka
Reh-e-khaas chalne wala, reh-e-aam chal raha hai
🌟🌟🌟
Tere lutf-e-khusrawi par mera katt raha hai jeewan
Mere din guzar rahe hain, mera kaam chal raha hai
🌟🌟🌟
Mujhe is qadar jahaan mein na qubool-e-aam milta
Tere naam ke sahaare, mera naam chal raha hai
🌟🌟🌟
Teri mehr kya lagi ke koi hunar na hotay
Meri Shayari ka Sikka sar-e-aam chal raha hai
🌟🌟🌟
Yeh teri dua ke hai kuch abhi hum mein waza-dari
Yeh teri nazar ke Apas mein Salam chal raha hai
🌟🌟🌟
Main tere nisaar Aaqa! yeh haqeer par nawazish
Mujhe jaanti hai duniya, mera Naam chal raha hai
🌟🌟🌟
Tera Ummati bas itni hi tameez kaash kar le
Woh Halal kha raha hai ke haraam chal raha hai
🌟🌟🌟
Kari dhoop ke safar mein nahi kuch Naseer ko gham
Tere sayah-e-karam mein yeh Ghulam chal raha hai
🌟🌟🌟
