In this post, You will get jaga ji lagane ki dunya nahi hai lyrics and jaga ji lagane ki dunya nahi hai Lyrics in urdu.
Jaga Ji Lagane Ki Dunya Nahi Hai Lyrics Urdu
جگہ جی لگانے کی دنیا نہیں ھے
یہ عبرت کی جا ھے تماشہ نہیں ھے
🌟🌟🌟
جہاں میں ھے عبرت کے ہر سُو نمونے
مگر تجھ کو اندھا کیا رنگ و بُو نے
کبھی غور سے یہ بھی دیکھا ھے تُو نے
جو آباد تھے وہ محَل اب ھیں سُونے
🌟🌟🌟
ملے خاک میں اھلِ شاں کیسے کیسے
مکیں ھوگئے لامکاں کیسے کیسے
ھوئے نامور بے نشاں کیسے کیسے
زمیں کھا گئی نوجواں کیسے کیسے
🌟🌟🌟
اَجل نے ھی چھوڑا نہ کسری نہ دارا
اِسی سے سکندر سا فاتح بھی ھارا
پڑا رہ گیا سب یونہی ٹھاٹھ سارا
ہر ایک لے کے کیا کیا نہ حسرت سِدھارا
🌟🌟🌟
یہی تجھ کو دُھن ھے رھوں سب سے بھالا
ھو زینت نِرالی ھو فیشن نِرالا
جیا کرتا ھے کیا یونہی مرنے والا
تجھے حُسنِ ظاہر نے دھوکے میں ڈالا
🌟🌟🌟
تجھے پہلے بچپن نے برسوں کھلایا
جوانی نے پھر تجھ کو پاگل بنایا
بڑھاپے نے پھر آ کے کیا کیا ستایا
اَجل تیرا کردے گی بالکل صفایا
🌟🌟🌟
بُڑھاپے سے پا کر پیامِ قضا بھی
نہ چونکا نہ سنبھلا نہ سمجھا ذرا بھی
کوئی تیری غفلت کی ھے انتَہا بھی
جنوں کب تلک ہوش میں اب تُو آ بھی
🌟🌟🌟
جہاں میں کہیں شورِ ماتم بَپا ھے
کہیں فقر و فاقے سے آہ و بُکا ھے
کہیں شکوہء جور و مَکر و دَغا ھے
غرض ھر طرف سے یہی بس صدا ھے
🌟🌟🌟
جگہ جی لگانے کی دنیا نہیں ھے
یہ عبرت کی جا ھے تماشہ نہیں ھے
🌟🌟🌟
