This Beautiful Naat “Jabeen Meri Ho Sange Dar Tumhara Ya Rasool Allah” is recited by Zohaib Ashrafi. In this post you will get Jabeen Meri ho Naat.
Jabeen Meri Ho Sange Dar in Urdu
جبیں میری ہو سنگِ در تمہارا یا رسول اللہﷺ
یہی ہے ایک جینے کا سہارا یا رسول اللہﷺ
🌟🌟🌟
دکھا دو اپنا چہرہ پیارا پیارا یا رسول اللّٰہﷺ
خدارا جیتے جی کرلوں نظارہ یا رسول اللہﷺ
🌟🌟🌟
نہیں فرقت میں اب جینے کا چارا یا رسول اللہﷺ
بلا لو اپنے قدموں میں خدارا یا رسول اللہﷺ
🌟🌟🌟
تمہی ہو بے سہاروں کا سہارا یا رسول اللہﷺ
تمہی کو ہر دکھی دل نے پکارا یا رسول اللہﷺ
🌟🌟🌟
ندامت ہے خطاؤں پر مگر نازاں ہوں قسمت پر
مرے ہاتھوں میں ہے دامن تمہارا یا رسول اللہﷺ
🌟🌟🌟
زمانہ چھوٹ جائے روٹھ جائے کچھ نہیں پرواہ
نہ چھوٹے ہاتھ سے دامن سے تمہارا یارسول اللہ ﷺ
🌟🌟🌟
نہ دنیا کی مجھے خواہش نہ عقبی کی تمنا ہے
مجھے اپنا بنا لیجئے خدارا یا رسول اللہﷺ
🌟🌟🌟
نہیں ایسا کوئی جس پر نہ ہو احسان کی بارش
ترے ٹکڑوں پہ ہے سب کا گزارا یا رسول اللہﷺ
🌟🌟🌟
میں قرباں اس ادائے دستگیری پر میرے آقاﷺ
مدد کو آگئے جب بھی پکارا یا رسول اللہﷺ
🌟🌟🌟
بروزِ حشر میری اس یقیں کی لاج رکھ لینا
تمہارا ہوں تمہارا ہوں تمہارا یا رسول اللہﷺ
🌟🌟🌟
اگر کوئی تمنا ہے تو بس اتنی تمنا ہے
میں کہلاؤں دو عالم میں تمہارا یا رسول اللہﷺ
🌟🌟🌟
غلامِ احمدِ مختار یوں پہچانے جائیں گے
کہ ہوگا حشر میں بھی ان کا نعرہ یا رسول اللہﷺ
🌟🌟🌟
ترا در ہو، مرا سر ہو، سکونِ دل میسر ہو
پھرے کب تک یہ انجؔم مارا مارا یا رسول اللہﷺ
🌟🌟🌟
