This Beautiful Naat “Behre Deedar Mushtaq hai Har Nazar” is written by Muhammad Arshad. In this post you will get behre deedar mushtaq hai har nazar Naat Lyrics, chandni raat hai aur pichla pehar lyrics and behre deedar mushtaq hai har nazar naat lyrics
Dono Alam k Sarkar Aa Jaiye Lyrics Urdu
بہرِ دیدار مشتاق ہے ہر نظر دونوں عالم کے سرکارآجائیے
چاندنی رات ہے اور پچھلا پہر دونوں عالم کے سرکار آجائیے
🌟🌟🌟
سدرۃ المنتہیٰ، عرش وباغِ ارم ہر جگہ پڑچکے ہیں نشانِ قدم
اب تو اک بار اپنے غلاموں کے گھر دونوں عالم کے سرکار آجائیے
🌟🌟🌟
شامِ امید کا اب سویرا ہوا شہرِ طیبہ نگاہوں کا ڈیرا ہوا
بچھ گئے راہ میں فرشِ قلب ونظر دونوں عالم کے سرکار آجائیے
🌟🌟🌟
سامنے جلوہ گر پیکرِ نور ہو منکروں کا بھی سرکار شک دور ہو
کرکے تبدیل اک دن لباسِ بشر دونوں عالم کے سرکار آجائیے
🌟🌟🌟
دل کا ٹوٹا ہوا آبگینہ لیے جذبۂ اشتیاقِ مدینہ لیے
کتنے گھائل کھڑے ہیں سرِ رہ گزر دونوں عالم کے سرکار آجائیے
🌟🌟🌟
میرے گلشن کو اک بار مہکائیے اپنے جلوئوں کی بارش میں نہلائیے
دیدۂ شوق کو کیجئے بہرہ ور دونوں عالم کے سرکار آجائیے
🌟🌟🌟
تاابد اپنی قسمت پہ نازاں رہیں خاک ہوجائیں پھر بھی فروزاں رہیں
دل کی بزمِ تمنا میں اک بار اگر دونوں عالم کے سرکار آجائیے
🌟🌟🌟
آخری وقت ہے ایک بیمار کا دل مچلنے لگا شوقِ دیدار کا
بجھ نہ جائے کہیں یہ چراغِ سحر دونوں عالم کے سرکار آجائیے
🌟🌟🌟
شامِ غربت ہے اور شہر خاموش ہے ایک ارشدؔ اکیلا کفن پوش ہے
خوف کی ہے گھڑی وقت ہے پُر خطر دونوں عالم کے سرکار آجائیے
🌟🌟🌟
